Қазақстанда республиканың дәріхана желісін автоматтандыруды жоспарлауда

31 Марта 2016 2191 дәріханажелісі, міндеттіәлеуметтікмедициналықсақтандыруқоры

Алматы. 31 наурыз. Ақпараттар орталығы. Денсаулық сақтау және әлеуметтік қорғау министрлігі, жалпы, Қазақстан үкіметі міндетті әлеуметтік медициналық сақтандыру қорын құру бойынша жұмыс жасауда, деп мәлім етті ҚР премьер-министрінің орынбасары Дариға Назарбаева.

«Мен білемін, нәтижесіз болып шыққан алғашқы тәжірибе баршаңыздың есіңізде. Медициналық сақтандыру идеясының өзінен көңілдеріңіз қалды, енді сол кеде жол берілген қателіктерді қайталамас үшін біз, мысалы, шетелдік сарапшылардың осы жобаға қатысты кез келген жұмысын қабылдауға және тіпті оларды осы қордың басшылық қызметіне шақыруға дайынбыз», - деді Д. Назарбаева Астанадағы баспасөз мәслихатында.

Ол қордың басшылық қызметіне шетелдік сарапшылардың шақырылатынын мәлім етті. Сонымен қатар, қор жұмысының ашықтығын қамтамасыз ету, қауіптерді азайту мен бақылау жүргізу үшін денсаулық сақтау саласында ақпараттандыруды енгізу қажет.

«Маңызды құрамдасы – мемлекеттік немесе мемлекеттік еместігіне қарамастан ауылдағы медициналық мекемелерге дейін ақпараттандыру жүйесін енгізу, барлық дәріхана желісін автоматтандыру», - деп атап өтті вице-премьер.

Оның айтуынша, нақты мемлекеттік тарифтік саясат керек және ары қарай қор тексерудің өз механизмдерін қосады.

«Қор медициналық мекемелердің талаптарға сәйкестігін, кадрдың бар-жоғын, сапалы қызмет көрсету үшін тиісті материалды-техникалық жабдықталуын тексереді, олардың жұмысын үнемі бақылап отырады, әр дәрісіне дейін тексеріп отыруы керек. Барлығы автоматтандырылған болуы қажет», - деді Д. Назарбаева